昨天真係名乎其實的黑色星期五。

話說諗住帶幾箱貨返廠, 我地總共有四個人, 每人帶一箱貨過關。

第一個過機的時候, 關員已經想叫停佢, 但好彩佢行得快, 所以走得甩。

第二個過的時候, 已經比關員叫住, 要打開箱驗貨。

第三個同我就隔左幾分鐘過關。

在第二個都比人叫住的時候, 第三個同第四個當然都無可幸免。

就係咁, 個海關就扣左三箱膠袋........

在我們比人問話時, 有個鬼佬仲抵死, 將成箱iphone放在行李箱內, 最後當然是比人扣個正著......佢個籍口是成批貨都是壞的, 要拿回去修理......唔知佢最後能否走得掉?

最後在廠搞掂所有野返香港時, 拿回那批貨, 托管費28.5人仔。抵到爛, 勞師動眾幫我搬三箱膠袋, 托管了接近十二個鐘, 計返每個鐘兩蚊人仔, 這筆錢就算唔搵公司報銷都抵比啦

最好笑是當我拿回三箱貨, 都行唔夠兩步, 又有兩個海關叫住我地, 又話要開箱查。我都沒好氣說: 我才剛剛從你們貨倉拿出來, 不是又要查吧? 班友都肓GA, 唔係睇唔到我兩步前先比佢班兄弟放生掛?

這單野比我一個好大的感受: 應該查的又唔查, 唔該查的又捉到正, 20公斤的膠袋走黎扣, 倒不如多花人力物力去捉走私和水貨客啦。

又話到年尾, 希望今年的辛苦會得到恰當的回報。

話我老土又好, 思想古化又好, 我相信因果循環。你投入多少努力就有多少的回報。

所以各位加油吧! 不要因為少少的挫敗而感到氣餒。

做廠的人真的很無奈, 爆鑊都唔同過人......一樣野做兩次都可以有兩個不同的效果, 都唔知話佢地叻、有藝術家天份好, 定係話佢地豬兜.....個期都係死梗了, 今日已經比人"媽"完一輪, 看來兩日後要再黎過。

站起客的角度, 他們完全沒錯, 還十分合理。比在我是客我都係會有這樣的要求。但站在我的立場, 我又唔係比唔夠時間廠做, 但廠梗係要我出貨前個日先同我講批貨有問題。咁我仲有咩好講? 這兩個星期已經三次了, 比客又"媽"又"叉", 真的不太好受。但做得這個三煞位, 我就預左GA LA, 正如史提芬所講, 這些"待遇"是人工包埋GA MA。

多野做的時候真係好多野做, 無野做的時候真係靜到死.....

前個排一日覆五十幾六十個電郵, 日日報價計價玩到死, 但現在想覆都無得覆。

這究竟是阿頭所講的"SALES過左最忙的時候, 返而是生產部想死", 定係個市真係咁靜呢? 真係要睇睇。始終做歐美水真係驚D。