前幾日對住P仔的MS真係笑死左

話說她無LALA打電話黎, 大興問罪之師, 說我們為什麼沒送貨給他, 我已經呆左, 我做野都年幾, 都未試過漏單, 於是即刻check la, check到係我一個月前報價比佢, 佢確認了規格給purchasing, 但purchasing 無下單......跟住佢就話我: 點解你唔追purchasing? 我心諗 你地內部溝通關我咩事? 你地出錯又唔係我, 唔通無PO我就要做貨? 定係一報完價就要做貨? 我記得的話一定會追PO, 但你估淨係serve你一個客咩......唔通你內部問題要我干涉咩....生意唔多又要求多多。最後都死死地地逼廠快d做。

好la, 以為搞掂, 佢半個鐘後又打黎, 說: 有款貨做緊貨, 要拿幾個版睇睇, 我又呆左, 那款貨我打過版, 但佢又無指示個project繼續, 又無要求報價, 以為已經胎死腹中。真係吹脹, 價都未報就催我要貨, 搞到貨期又係趕到爆。廠放國慶都放四日la, 根本就冇可能! 自己d野做唔好/做錯又賴其他人, 佢都真係叻!仲要有可能停其他單做左佢先, 呢d人真係死不足惜。

真的很羨慕五天工作的人, 五天半工作根本和六天工作沒有什麼分別.......

在這個中秋, 完全感受到連放兩日的悠閒。

看來下一份工真的要找一份五天工作的!

第一次出TRIP, 一個好好的經歷。

汕頭, 其實是一個挺不錯的地方, 尤其在食方面, 牛肉、海鮮真是一絶。尤其是牛, 聽說他們放牛的方式和其他地方不同, 所以肉質較嫩, 肉味較濃。喝酒也是挺好, 一邊吃牛一邊被人灌酒, 也是挺爽的。

潮汕人仕也是不錯的人, 做事比較踏實, 少吹水而多做事。而且好客熱情, 你是客人, 他們就會盡量令你開心和滿意, 錢當然不是問題, 但堂堂一個老細陪足全程, 所花的時間真的比金錢還要珍貴。

最慘的是回來塞車, 足足開了八個鐘車才回到皇崗.....但幸好在車上玩玩牌, 很快就過了那段時間。

今天回到公司, 一開郵箱, 呆了, 竟然有百多個電郵, 只是短短的兩天...........很難想像放個Annual leave 會點算....

有點累了, 什麼也不想管, 什麼也不想理, 只想做自己鐘意做的事。

看來又要重回起點, 想想自己的想法, 看來又是回樂團的時候?

有一樣野我阿頭講得好對:

如果你識做的野全部都做哂的話, 你是會死的, 那麼請其他同事回來幹麼?

最近被採購的人激到半死, 找一樣物料竟然同我講找左幾間廠都找不到, 我已經給了兩個星期時間, 真是忍無可忍! 另外一單竟然是找一件簡單配件, 叫跟單員去問採購, 叫他們報價, 但幾日都話要有樣板才可報價, 真是呆了: 客戶新開發產品, 又怎會有板? 真係無奈。最後都要親自問採購才肯報價, 仲要唔駛兩個鐘........

所以另一樣野阿頭講得好對:

大陸有的只是Purchasing, 不是merchandising, 而這不是我們的工作範圍, 我們只是管銷售的。如非到最後一刻, 我們都不要管這些事情, 要信賴同事。

而因為這個話, 我終於明白為何merchandiser咁值錢。他將一個意念變成一件實物，這是傳統的採購沒法做到的事。所以我不太同意merchandiser的中文叫做採購, 性質上實在有太大的區別。